Barrualde-Galdakao ESI-ko haur populazioaren osasuna hobetzen: Diabetes Mellitus II-ren prebentziorako osasun programa.

Abstract

Sarrera: Azken hamarkadetan II motako Diabetes Mellitusaren intzidentzia eta prebalentzien igoera konstantea eman da herrialde garatuetan, eta hau, obesitate eta gainpisu prebalentzien igoerarekin estuki lotuta dagoela ikusi da. Heldu populazioaz aparte, deigarria da azkenaldian haur eta nerabe populazioan tendentzia berdina ematen ari dela ikustea. Egoera hau bizi ohitura ez osasuntsuen hedapenarekin erlazionatzen da, horregatik, garrantzitsua da bizi ohitura osasuntsuen sustapenean lan egiteko interbentzioak sortzea eta horretarako osasun programen diseinuak egitea, ariketa fisiko eta dieta ohitura osasuntsuagoak lortzeko.

Helburua: Diabetes Mellitus II garatzeko predisposizioa duen haurren populazioan, horren prebentzioa egitea, mikrosistema desberdinetan lan eginez (umeen aisialdian, eskolan eta familia unitatean) eta DM II-n eragiten duten determinatzaile nagusien eragina murriztuz (obesitatea, gainpisua eta sedentarismoa). Dieta eta ariketa fisikoarekin erlazionaturiko bizi ohitura osasuntsuen sustapenean eta pisuaren kontrolean lan eginez lortuko litzateke determinatzaile horien eragina murriztea.

Metodologia: Barrualde-Galdakao ESIan 4-5 urteko haurrak populazio dianatzat hartuta, eurei eta euren mikrosistema nagusiei (guraso eta irakasleei) zuzendutako osasunaren sustapenerako programa garatuko da eta ariketa fisiko eta dietarekin erlazionaturiko bizi ohituretan lan egingo da. Bronfenbrenner psikologoaren teoria sozioekologikoan oinarriturik eta “RNAO” Kanadiar erizainen asoziazioaren Obesitatearen Prebentziorako Gidaren gomendioak jarraiturik sesioen banaketa talde desberdinetan egingo da: haurrak, gurasoak eta irakasleak. Sesioak teoriko-dinamiko eta praktikoak izango dira, teknika desberdinen erabilera bermatzeko. Ebaluazioa jarraia izango da, programan parte hartuko duten profesionalek egingo dute fitxa eta elkarrizketa bidez eta azkenik emaitzen ebaluazioa egingo da interbentzio zatia bukatu eta hiru eta bederatzi hilabete osteko kontroletan.