4terdiko jokoa aldatu ahal da urteetan zehar?

Abstract

Lan honen helburua, 4terdiko jokoa urteetan zehar aldatu den aztertzea izan da. Horretarako elite mailako, Aimar Olaizolaren, 4terdiko hiru final (2002, 2008, 2014) aztertu dira. Ikerketa hau egiteko eta partida hauek analizatzeko ad hoc sortutako behaketa tresna bat erabili da non, honako irizpideak kontutan hartu diren: tantoen iraupena, pilotari jokatzailea, jotzailearen kokapena, aurkariaren kokapena eta pilotakaden norabidea izan dira. Ondoren, irizpide hauek guztiak urteetan zehar alderatu izan dira honako emaitza nagusiak lortuz: tantoen iraupenari dagokionez tantoak gero eta motzagoak dira; kolpe motari dagokionez airez gero eta gehiago jotzen da; pilotaren norabideari dagokionez, gero eta aurrerago egiten du botea eta espazioaren banaketari dagokionez, pilotariek gero eta aurrerago jotzen dute pilota. Beraz, entrenamenduak errepikapen motakoak izan behar dira, non iraupen motza eta intentsitate handia duten, 3 pilotakadatik behin airez jo behar izatea behartzen dutenak eta pilotakada denak frontisetik nahiko gertu (3.koadrotik aurrera) kolpatzen direnak.