Komentu femeninoetako artea Amerika kolonialean

Abstract

Behin Amerikaren aurkikuntza emanda, espainolak Mundu Berri horretan finkatu eta osteko XVI-XVIII. mendeetako kultura kolonialean kokatuko gara. Are gehiago, testuinguru horretan nabarmenduko diren komentu femeninoetako mojak hartuko ditugu erreferente. Lan honen protagonista zuzenak izango dira hauek: emakumea ildo nagusi izanik, garaiko egoera azaldu eta komentu hauetan jaioko diren arte praktika batzuk izango ditugu aztergai. Modu honetan, komentuetan ere artelanak egiten zirela eta hala, bertako mojak ere artistak zirela argitaratzea izango da lanaren xede nagusi.