Metagenomika bidezko bakterio-komunitateen azterketa Txakolinaren hartzidura alkoholikoan

Abstract

[EUS] Gaur egun, tokian tokiko ardo-ekoizleek, gero eta lehiakorragoa den merkatu batean bide egiteko helburuarekin, beren produktuei gune geografikoaren araberako nortasuna ematerantz jo dute[1]. Horren eraginez, terroir hitza ardoa eta horren ezaugarri organoleptikoak ekoiztutako jatorri geografikoarekin lotzeko sortu zen[2]. Horrek, ardogintzako teknikez eta klimaz gain, lurzoruak, mahats barietateak eta mikrobiomak ardoaren ezaugarrietan duten eragina barneratzen ditu. Kultiboekiko independenteak diren metodoen artean Shotgun metagenomika eta Amplicon metagenomika daude[11]. Shotgun bidezko hurbilketak bakterio-komunitatearen funtzio potentzialak bilatzeaz gain, “Zer da mikroorganismoek potentzialki egin dezaketena?” galderari erantzuna ematen dio[12]. Bestalde, Amplicon metagenomika gene bakarraren dibertsitatean 2 oinarrituriko ikerketa filogenetikoa da[12]. Ondorioz, “Zein mikroorganismo aurkitzen dira ekosisteman?” galderari erantzuna emateko baliogarria da.