Elgoibarko Hondakin Uren Araztegiaren ur-efluentearen efektu neurotoxikoen azterketa kaioletan mantendutako aingira europarretan (Anguilla anguilla)

Abstract

[EUS] Azken hamarkadetan, giza aktibitatearen etengabeko garapenarekin eta mundu mailako populazioaren hazkundearekin, ibai zein beste ur-sistemetara iritsi eta ingurumena kutsatzen duten poluitzaileen kantitatea handituz doa. Hondakin Uren Araztegien (HUA) funtzioa eremu landatar, industria eta hiriguneetatik etorritako ur-zikinetan aurkitzen diren konposatu kutsatzaileak ezabatzea den arren, HUAk, gaur egun, poluzio-iturri nagusiak kontsideratzen dira zenbait ibai-ekosistemetan. Izan ere, araztegietatik etorritako ur-efluenteek bere gain daramatzate nutriente, materia organiko, metal astun eta konposatu psikotropikoen (medikamentu eta droga psikoaktiboak) metabolitoak, besteak beste. Azken horiek organismo bizietan efektu neurotoxikoak sortzen dituzte. Lan honetan Apraitzeko (Elgoibar, Gipuzkoa) HUAko ur-efluentearen eragin neurotoxikoak aztertu dira arrainetan. Horretarako, biomonitorizazio-tresna gisa kaioletan sarturiko aingira europarrak, Anguilla anguilla, erabili dira, eta neurotoxizitatearekiko sentikorrak diren bi generen, azetilkolinesterasa (AChE) eta triptofano hidroxilasa (TrypH), transkripzio-maila aztertu da, RT-qPCR bidez. Efluentearen eraginpean egondako aingiretan, kontrol taldearekin alderatuta, bi itu-geneen transkripzio-maila handitzeko joera behatu da, efektu neurotoxikoaren seinale. Gainera, efluentearekiko esposizio-denbora handitzean, TrypHren transkripzio-mailan emendio esanguratsu bat ikusi da. Emaitza horiek iradokitzen dute Apraitzeko HUAtik etorritako ur-efluenteak, arrainengan efektu neurotoxikoak sortzen dituzten konposatu psikotropikoak daramatzala.

[EN] In the last decades, the amount of pollutants entering rivers via point-sources is increasing along with human population and activity. Although wastewater treatment plants (WWTPs) are built to reduce polluting compounds of sewage coming from rural zones, industry and cities, they are considered as the major point-source pollution in many river ecosystems. In fact, WWTPs effluents consist of complex mixtures of nutrients, organic matter, metals and psychotropic compounds’ (pharmaceutical and psychoactive drugs) metabolites, among others. These compounds induce neurotoxic effects in wildlife. In the present study the neurotoxic effects in fishes exposed to Apraitz WWPT (Elgoibar, Gipuzkoa) effluent was analysed. For this aim, European eel, Anguilla anguilla, was used as bioindicator and transcription levels of acetylcholinesterase (AChE) and tryptophan hidroxilase (TrypH) genes in brain were analysed by RT-qPCR as neurotoxicity biomarkers. Eels under the influence of the effluent, comparing with the control ones, showed a trend to increase the transcription-level of both genes, as a sign of neurotoxic effects. Moreover, after one month of exposure TrypH transcription-level was significantly increased in eels caged downstream the WWTP effluent. These results suggest that the effluent of the Apraitz WWTP contains psychotropic compounds, which induce neurotoxic effects in fishes.