Jarduera fisikoaren efektuak emakume haurdunen gozamen mailan
View/ Open
Date
2020-05-26Author
López Llamazares, Naia
Metadata
Show full item recordAbstract
Sarrera: Jarduera fisikoak emakume haurdunen osasunean efektu positiboak dituela jakina da; hala ere, ikerketa gutxi egin dira haurdunengan jarduera fisikoak sortzen duen gozamen mailaren inguruan. Helburua: Jarduera fisikoko programak emakume haurdunetan sortzen duen gozamen maila aztertzea izan da helburua. Honekin batera, 35 urte baino gutxiagoko eta 35 urtetik gorako emakumeen arteko joerak eta ezberdintasunak agertzen diren aztertzea, 35 urtetik gorako emakumeen haurdunaldia arriskutsutzat hartzen dela kontuan hartuta. Metodoa: 2017-2019 bitartean 208 emakumek hartu dute parte jarduera fisiko programan haurdunaldiko 12-14. astetik aurrera hasita eta 38. astera arte. Jarduera fisiko programa barruan ariketa aerobikoko saioak, indar eta oreka saioak, luzaketa eta erlaxazio saioa eta igeriketa saioak egiten ziren. Behin 24-26 asteko interbentzio saioa egin ondoren Physical Activity Enjoyment Scale (PACES) galdetegia pasatu zitzaien. Emaitzak: Emakume haurdun guztiak kontutan hartuta, 75,27 ± 3,72 balioa irten zen, emaitza maximo posiblearen %94,08-a alegia. 35 urtetik beherakoek aldiz 75,29 ± 3,75 balioa eman zuten edo %94,11-a eta 35 urtetik gorakoek 75,17 ± 3,67 balioa, %93,96-ari dagokiona. Ondorioak: Jarduera fisikoko anitzeko programak efektu positiboak izan ditu parte hartu duten emakume haurdunen gozamenari dagokionez. Modu berean, ez da ezberdintasunik aurkitu 35 urtetik beherako eta 35 urtetik gorako emakumeen artean.