Jubenil kategoriako futboleko jokalarien entrenamendu aurretiko aktibazioa Eibar SD klubean

Abstract

Eibar SD futbol klubean prestatzaile fisiko bezala praktikak egin ondoren, entrenamendu aurretiko aktibazio fasearen ideia nahastuak zeudela ikusita eta entrenatzaile bakoitzak modu ezberdin batean baina aldi berean egun guztietan aktibazio mota berdina planteatzen zutela aztertuta, lan honen helburua, entrenamendu aurretiko aktibazioari buruzko errebisio bibliografiko bat eta aktibazio metodo berriaren proposamen bat egitea izango da. Errebisio honetan lehenik eta behin kirol hau nondik datorren azaldu eta aztertuko da, honekin, kirol honek historian zehar izan duen progresioa ikusi eta gaur egun kulturalki hain garrantzitsua izatearen arrazoia nabarmenduko da, horrela ume gehienek futbolean jokatzea nahi izanaren arrazoia argituz. Hau aztertu ondoren, jubenilen etapa garapen fase batean dagoela jakinda, garapen etapa ezberdinak aztertu eta adin bakoitzeko ezaugarri fisiko eta fisiologikoak azalduko dira, guzti hau etapa sentikor eta kritikoekin lotuz eta adin biologiko bakoitzean landu beharko liratekeen gaitasunak zehaztuz. Hau azaltzeko, adin biologiko eta kronologikoaren arteko ezberdintasunak aztertuko dira, horrela etapa bakoitzarekin gaitasun egokia lotuz eta gaitasun bakoitzaren adaptazio denborak nabarmenduz. Hau orokorrean zehaztuta, jubenilen etapan murgildu eta bertako ezaugarri garrantzitsuenak aztertuko ditugu, horrela aktibazio metodo ezberdinekin hasiz. Aktibazio metodoei dagokienez, literaturan gehien aztertu diren aspektuak errepasatuko dira: gorputzaren tenperaturaren igoera nola ematen denaren fisiologia, aktibazio neuromuskularraren ezaugarriak, hauek emateko indarra lantzearen garrantzia, lesioen prebentzio programaren atala eta gaur egun diskrepantzia asko sorrarazten duen atala, hala nola, luzaketen eragina. Aspektu hauen azterketa, ondoren metodologia egoki bat aplikatzeko beharrezkoa izango da, azken finean, adin biologiko eta kronologikoa, garapen fasea eta aktibazio metodoen ezagutza izanda, aktibazio metodoen proposamena egiteko ahalmena errazagoa izango da, ikasketa progresio egoki batekin, proposamen egokia aterako da. Ondorioz, aktibazio aldian indar ariketak sartzearen ideia gomendatzen da, honek lesioen prebentzioan laguntzeaz gain, giharren tenperatura igo eta aktibazio neuromuskularrean positiboki eragiten duelako, hau da PAP efektuaren erabilera, horrela hurrengo zereginerako prest egoten lagunduz. Indar ariketa hauek, zankada frontal eta diagonalak edo sentadillak izan daitezke ideia bezala. Honez gain, bihotz maiztasun eta tenperaturaren igoera, progresiboa izan behar denez, posta ezberdinak eta beraz helburu ezberdinak bateratzen diren zirkuitua egin daiteke, betiere, entrenamendura sartu aurretiko fasea baloiarekin izanda, hala gomendatzen dute adituenek beroketa kirolarekiko ahalik eta espezifikoena izateko.