Glukosaren monitorizazio jarraitua diabetes mellitusean

Abstract

Sarrera. Diabetes Mellitusa, glukosaren gorabeherek karakterizatzen duen gaixotasun bat da; gaixotasuna dutenen helburua, glukosa maila horiek intsulina dosiekin, bizi estiloarekin nahiz tratamenduarekin kontrolatzea izanik. Glukosa mailen kontrol zorrotz bat eramatea ezinbestekotzat jotzen da, etorkizun batean Diabetes Mellitusak sor ditzakeen konplikazioak ekiditeko. Aurrerapen teknologikoari esker, lorpen handiak izan dira eta hauen ondorioz, diabetesa duten pazienteek gluzemiaren kontrol egoki bat izatea lortzen dute. Helburuak. Lan honen helburu nagusia Diabetes Mellitusa duten pazienteek beren gluzemiaren kontrol egokia lortzeko erabiltzen dituzten glukosaren monitorizazio jarraituaren gailuak eta euren ezaugarriak aztertzea da Metodologia. Errebisio bibliografikoa egin da. Bilaketa bibliografikoa egiteko ondorengo datu basean hautatu dira: Dialnet, Biblioteca Virtual en Salud, Pubmed, Science Direct eta Trip Database. Emaitzak. Glukosaren monitorizazio jarraitua nahiz glukosaren monitorizazio kapilarra, gluzemia mailak egoki kontrolatzeko bi sistema dira. Horien bidez, pazientearengan onura batzuk lor ditzakegu, esaterako, HbA1c mailak eta hipogluzemia nahiz hipergluzemia egoerak gutxitzea. Bestalde, gluzemiaren monitorizazio jarraituarekin, behatzeko zulaketen kopurua gutxitzea lortzen da; izan ere, zulaketa egoera zehatz batzuetan soilik egin behar da. Azkenik, sistema horiekin pertsonen bizi kalitatea hobetzen dela ere ikusi da. Eztabaida. Glukosaren mailak kontrolatuak izateko, bi sistema nagusi daude: glukosaren monitorizazio kapilarra eta glukosaren monitorizazio jarraitua. Artikulu askok diotenez, glukosaren monitorizazio jarraituak, onura gehiago ditu beste sistemarekin alderatuz gero. Azkenik, glukosaren monitorizazio jarraituaren erabilpen on bat izateko, profesional nahiz pazienteen aurretiazko formakuntza bat ezinbestekotzat jotzen da. Ondorioak. Diabetes Mellitusa glukosaren kontrol on bat izan ezean, konplikazioak sor ditzakeen gaixotasun bat da. Glukosaren kontrol on bat lortzeko eta glukosa mailak balore egokietan mantentzeko, glukosaren monitorizazio kapilarraz nahiz glukosaren monitorizazio jarraituaz baliatu daiteke. Azken honen kostua, glukosaren monitorizazio kapilarra baino handiagoa da, baina hala ere, Diabetes Mellitusa kontrolaturik izateko sistema eraginkorrena dela ondorioztatzen da.