Gozamen eta berrikuntzaren asebetetze maila kirol-praktika motaren arabera

Abstract

Eskola Kirolak haurren heziketa prozesuan funtzio garrantzitsua du. Gorputz hezkuntzarekin batera, haurren garapen motorra eta garapen integrala helburu nagusitzat hartu eta arlo kurrikularra eta ez kurrikularraren arteko lotura izan behar du. Horretarako, Eskola Kirolak jarduera fisikoa praktikatzearen gozamenean oinarritzen den eredu bat izan behar du helburu, haurren partehartzea eta jarduera fisikoarekiko epe luzeko atxikimendua sustatzen duena. Lan honen helburua, kirol-jarduera mota ezberdinek gozamen eta berrikuntzaren asebetetze mailan duten eragina aztertzea da. Horretarako, futbol klub batean unitate didaktiko bat aurrera eraman da, zeinetan futbolean oinarritutako saioak eta jokoetan oinarritutako saioak egin diren. Unitate didaktiko horretan, gozamen eta berrikuntzaren beharraren asebetetzea izan dira aztertu diren aldagai nagusiak. Emaitzen arabera, gozamena praktika motorraren araberakoa izan da, martxan jarri diren jokoak (joko tradizionala eta joko alternatiboak) futboleko sesioek bezain gozamen maila altua aurkeztu dute. Jardueraren arabera gozamen maila ezberdina izan da, jolas alternatiboko saioan gozamen maila balio altuenak lortu direla, futbol analitiko eta joko tradizionaleko saioek baino emaitza esanguratsu altuagoak lortuz. Emaitzek, jarduera hegemonikoetatik aldentzen diren kirol jarduerek, hauek bezain gozamen maila altua edo maila handiagoa sor dezaketela iradokitzen dute. Aniztasun handiagoa duen eta “eredu kirolizatutik” aldentzen den, hezigarriagoa den eta partaideen beharretara hobeto moldatzen den eredu bat sortzeko argudio sendo bat izan daitekeena.