| dc.description.abstract | Ura bizitzarako baliabide sozioekonomiko urria eta ezinbestekoa da. Baliabide preziatu honek gero eta eskaera handiagoa du, eta, aldi berean, mundu mailako arazo bihurtu dira haren eskasia eta poluzioa. Hori dela eta, ezinbestekoa da ur-baliabideak era estrategiko eta jasangarrian kudeatzea eta tratatzea. Hondakin-uretan dauden poluitzaileen aniztasuna handia denez, industriako hondakin-uren poluzio-kasu adierazgarrienak, bereziki 4-klorofenola, fenola, anilina eta bentzotiazola, eta etxeetako hondakin-ureei arreta berezia jarriz kezka sortzen duten kutsatzaileei, hala nola farmazia-produktuak, norberaren zaintzarako produktuak eta disruptore endokrinoak, besteak beste aztertu dira lan honetan, oxidazio-teknologia aurreratu esanguratsuenak eta egokienak izan daitezkeenak erabiliz, UV/H2O2, fotokatalisi heterogeneoa, ozonizazio katalitikoa eta ultrasoinuak, aurkezten dira lan honetan. Horretarako, prozesu fotokimikoen ezagutzan eta ozonoan oinarritutako prozesu ez-fotokimikoen ezagutzan sakondu da, eta tratamendu-teknologia eraginkorrenak garatzeko abantailatsuenak diren kondizioak eta konfigurazioak aztertu dira, haien ereduak lortzeko. Horrez gain, ekipamendu eta material katalitiko berriak diseinatu dira, prozesu fotokatalitikoetan eta ozonoan oinarritutako teknologietan erabiltzeko, oxidazio-prozesu aurreratuen intentsitatea indartzeko asmoz, eta industriako eta etxeetako hondakin-ur adierazgarrietan aplikatzeko. | es_ES |
Back