Printzipio aktiboen koordinazio konplexu berrien propietate fisiko-kimikoak neurtzeko eta aztertzeko erabilitako protokoloen optimizazioa

Abstract

Ikerketa-lan honen helburua, garatzen ari diren farmako gehienen biodistribuzio baxuarekin lotutako arazoak murrizteko, farmakodun koordinazio konposatuak sortzean datzan estrategia bat baliozkotzea da, horretarako, eta lehen aldiz, Kimika Analitikoak eta Kimika Ezorganikoak duten indarrak uztartuz. Zentzu horretan, Kimika Ezorganikoko laborategian farmakodun koordinazio konposatuak sintetizatu eta karakterizatu dira, eta Kimika Analitikoko laborategian, biodistribuzioarekin lotuta dauden ezaugarri fisikokimiko garrantzitsuenak ikertu eta kuantifikatu, teknika analitiko eta estatistiko egokiak erabiliz.

Laburki, administratutako farmakoaren ahalik eta frakzio handiena xede-organora iritsi dadin, printzipio aktiboak ingurune akuosoetan disolbagarritasun handia izateaz gain, mintz biologikoen bitartezko iragazkortasunak ona izan behar du. Beraz, printzipio aktibo baten eta metal baten arteko koordinazio konposatuaren sorrerari esker, ematen du, solubilitate eta permeabilitatearen balioak hobetu egiten direla edo kasurik okerrenean, bietako bat soilik hobetzen dela.

Beraz, estrategia hau balioztatzeko, ikerlan honetan, printzipio aktiboen koordinazio konposatu bat sintetizatu eta karakterizatu da (Eu_diklofenako (1)), printzipio aktiboa diklofenakoa eta metala europioa izanik. Bioerabilgarritasunaren hobekuntza balioztatzeko, Eu_diklofenako (1) konplexuaren disolbagarritasuna eta oktanol/ur banaketa koefizientea neurtu da, fisiologikoki garrantzitsuak diren ingurunetan. Bi parametro hauek, datuen analisirako bi metodo desberdin erabiliz neurtu dira (SLR eta MLR); hauek, beraien artean alderatuko dira, emaitza hobeak lortzeko datuen analisirako metodo egokiena zein den definitzeko. Lortutako emaitzen arabera, ikusi da, diklofenakoa europio metalera koordinatzea estrategia baliagarria dela diklofenakoaren bioerabilgarritasuna hobetzeko eta SLR metodoaren bitartez emaitza hobeak lortu direla. Gainera, determinatu da, denbora eta tenperaturaren kontrola ezinbesteko dela emaitza onak lortzeko, hauek, absorbantzian duten eraginaren ondorioz.

Beraz, lan honek datuen analisietan erabiltzen diren herramienten garrantzia plazaratzen du, hala nola farmakoen biodistribuzioaren hobekuntzaren estrategia on bat, koordinazio konposatuak sortzean datzala.