Behin-behineko neurri zibilen garrantzia genero indarkerian: erabateko babesa daukate?

Abstract

[EU] Jakin badakigu, azken urteotan emakumeen aurkako indarkeria pil-pilean dagoen gai bat dela eta emakumea soilik izateagatik pairatzen den indarkeria gero eta anitzagoa dela eta pisu handiagoa duela gure gizartean. Horrenbestez, Gradu Amaierako Lan honen helburua da arlo zibilaren ikuspuntutik genero indarkeriaren biktimen babesa nolakoa den aztertzea, izan ere, emakumea zein bere kargura dauden adingabeak erabat babesturik egoteko neurri penalez gain, neurri zibilak kontuan hartu behar dira. Horretarako, “genero indarkeria” kontzeptuaren inguruan sortutako zalantzak argitu dira eta jarraian, kasu erreal batetik abiatuz, zigor prozesuan zehar hartu daitezkeen kautelazko neurrien artean, Babes Agindua aztertu da. Zehazki, Babes Aginduaren bidez, “bigarren mailako biktimizazioa” saihestea lortu daitekeen heinean, orden jurisdikzional penalaren eta zibilaren arteko koordinazioaren eta zigor prozeduran hartutako neurri zibilen gainean azterketa juridikoa egin.