Nerabezaroan sexuen arteko bizikidetza sustatzeko sexu hezkuntza programa
Laburpena
OME-ek sexualitatea holan definitzen du: gizabanakoaren alderdi zentral bat da, bere bizitza osoan zehar garatuko dena. Sexualitateak barnean hartzen du sexua, genero identitatea eta rolak, erotismoa, gozamena, intimitatea, ugalketa, sexu-orientazioa eta orientazio afektiboa.
Egia da sexualitatea bizitza osoan zehar ematen den fenomenoa dela, baina nerabeetan garrantzi handia hartzen duen esparrua izaten da. Nerabetasunean aldaketa ugari gertatzen dira, bai aldaketa fisikoak, psikologikoak, sozialak eta baita endokrinoak. Bizitzako etapa honek sorrarazi dezake ezegonkortasuna, gertatzen diren aldaketa bortitzen eta hauei moldatzeko zailtasunaren ondorioz.
Etapa honetan gaixotasunen intzidentzia baxua izan ezean, egoera arriskutsuak bizitzeko ahultasuna handia da, eta nerabeekin etapa honetan egindako ekintza prebentiboak ekar dezakete hobekuntzak helduaroko osasunean. Sexualitateari buruzko osasun-hezkuntza progamek lagundu dezakete nerabeei etapa honetan hobeto moldatzen eta arriskuak prebenitzen. Osasun programa hauetan saiatu nahi dena da nerabeak beraien sexualitatea bizitzeko prozesuan ahaldundutzea, sexualitateari buruz dauzkaten topikoak kontrastatzea, ezagutzak eskeintzea, hauen autonomia eta pentsamendu kritikoa sustatzen eta emozioen kontrola gestionatzen lagunduntzen.
Gaur egun, Espainian indarrean dagoen Osasun Sexualari eta Ugalketari buruzko 2010eko legean dio erakunde publikoek sustatu beharko dutela nerabeen formakuntza eta heziketa sexuala, garrantzi berezia emanez berdintasunean oinarritutako sexualitateari (genero indarkeriaren prebentzioa), dibersitate sexualari eta sexu transmisioko infekzioen eta nahigabeko haurduunaldien prebentzioari.