Armeriaeuscadiensis eta Txilardi Lehor Europarra (4030): kontserbazio-egoera faboragarria bultzatzeko plana Matxitxakoko lurmuturrean

Abstract

Matxitxakoko lurmuturra, Gaztelugatxeko Biotopoa eta Urdaibaiko Biosfera Erreserbaren artean kokatzen da, baina ez du inolako babes figurarik, gune horretan Armeria euscadiensis espezie endemikoa eta intereseko habitata den Txilardi Lehor Europarra agertzen badira ere. Biotopoaren deklarazio dokumentuan, eremua izendatzeko Armeria euscadiensis landare endemikoa hartu zen kontuan, baina izatez, ez da Biotopoaren barruan kokatzen. Horrez gain, legeek, Gaztelugatxeko Kontzerbazio Bereziko Eremuak zein Armeria euscadiensis-ek kudeaketa plana behar dutela diote; hala ere, lehenengoak berritu gabeko plana du eta bigarrenak izan ere ez du. Matxitxakoko lurmuturrean Armeria euscadiensis espeziearen 287 multzo daudela ikusi, eta gehiago daudela ondorioztatu da. Bestalde, azterketa eremuko Txilardi Lehor Europarraren egoera aztertuz gero, horren kontserbazioa faboratu beharrean Armeria euscadiensis-i lehentasuna ematea egokiagoa litzatekeela ikusi da. Lan honetan, Matxitxakoko lurmuturrerako Armeria euscadiensis eta Txilardi Lehor Europarrarentzat kudeaketa plan proposamena egin da.