Gogoetazko ikaskuntzazko erizaintzako proiektu berritzailea: Ocean i3 proiektua: Itsas energia berriztagarriak

Abstract

Ocean i3 hezkuntza berrikuntzako, kultur anitzeko eta diziplinarteko unibertsitate proiektu bat da, lurraldearekin lotua eta ozeanoen jasangarritasunaren aldekoa. Proiektua mugaz gaindiko kostaldean plastikoek ozeanoen kutsadurari erantzuteko asmoz jaio zen arren, aurtengo edizioan bi erronka berri gehitu dira: komunitate zirkularrak sortzea eta itsas energia berriztagarriak bultzatzea. Hauek garrantzia handia ari dira hartzen; izan ere, gaur egun kontsumitzen dugun energia gehiena sortzeko erabiltzen diren erregai fosilak erretzean, osasunerako kaltegarriak diren berotegi-efektuko gasak askatzen dira atmosferara. Gure osasunaren eta ingurumenaren arteko lotura argi utziz, bai eta erizainek harreman hori ulertzeko garrantzia komunitatearen osasuna sustatzeko eta gaixotasunak prebenitzeko.

Helburuak: 2023ko urtarriletik apirilera Ocean i3 gogoetazko ikaskuntzazko erizaintzako proiektu berritzailean parte hartzea da lanaren helburu nagusia.

Jarduerak eta emaitzak: bi lan-gune ezberdin izan ditugu: hilero ospatutako online edo aurrez aurreko mintegiak eta Euskampus Digital plataforma. Batetik, hilabetero, banaka egin beharreko proiektuko betebeharrak igo ditugu plataforma digitalera zeharkako gaitasunak eskuratzeko. Bestetik, Arku Atlantikoan itsas energia berriztagarriak bultzatzeko helburuarekin, hauek osasunean izan dezaketen ondorioak bilatzea bilaketa bibliografiko bat eginez. Ondoren, uretako kirol-ekitaldi batean informazioa zabaltzea.

Gogoeta praktika: hasieran nire buruari ozeanoen jasangarritasunari zuzendutako proiektu baten barruan erizaintzaren ikuspegitik ekarpenik egin ahal izango nuen etengabe galdetzen nion arren, ikusi dut giza osasuna ingurumen-osasunarekin zein lotuta dagoen eta zenbat lan dagoen egiteke bien iraunkortasunaren alde. Beraz, esperientzia oso aberasgarria izan zait. Datorren ikasturteari begira, proiektua hau ikasleen artean hobeto ezagutaraztea gomendatzen dut, erizaintzako diziplinatik hain arrotza dirudien arren, jakingarria delakoan bainago.