Genero desberdintasunak iktus iskemiko akutuaren arretan. Zerbait aurreratu al dugu?
Ver/
Fecha
2023-09-13Autor
Del Molino Urquijo, Nagore
Metadatos
Mostrar el registro completo del ítemResumen
[EU] Sarrera: garun istripu baskularrek izugarrizko eragina dute gizartean, hilkortasunaren eta helduen desgaitasun fisiko iraunkorraren lehenetariko kausa izateaz aparte, pazientearengan eta familian sufrimendu handia eragiten dute. Iktus iskemiko akutuan genero desberdintasunak agerian geratu dira, baina alde horien zergatia oraindik ezezaguna izaten jarraitzen du. Iktusaren mekanismo fisiopatologikoan gizonen eta emakumeen berezko biologiak eragina du. Hala ere, genero desberdintasun horiek faktore biologikoen bidez soilik azaltzea ezinezkoa dirudi. Beraz, baliteke alde horien funtsa ospitale barruko osasun arretan, prozedura diagnostiko eta terapeutikoen erabileran, alegia, egondako genero alborapenak izatea.
Helburua: iktus iskemiko akutuaren ospitale barruko jarduketan genero desberdintasunak egon diren baieztatzea.
Material eta metodoak: lan erretrospektibo bat egin da. Honetarako bi lagin erabili dira 6 urteko tartearekin. Iktus Unitatean ingresaturiko gizon eta emakumeen artean genero aldetik ezberdintasunak dauden eta desberdintasun horiek denboran zehar mantentzen diren aztertu da.
Emaitzak: Emaitza interesgarriak aurkitu dira datuen azterketa egin ondoren. Gizonek Iktus Unitatean ingresatzeko aukera gehiago dute (p 0,04). Adin-tarte handieneko taldean emakumeak izan dira ugarien (p 0,023) eta larritasun maila handieneko iktusak izan dituztenak (p 0,003). Tekniketan egondako desberdintasunak ugariak izan dira, esaterako, emakumeei ekokardiograma gutxiago burutu zaie (p 0,011) eta gizon gehiagok tratamendu sintomatikoa soilik jaso du (p 0,012). Baliabide diagnostiko eta terapeutikoen diferentziak denboran zehar mantendu dira. Gainera, iktus kodearen aktibazioa gutxitu da urteek aurrera egin ahala.
Ondorioak: Ingresuen artean genero desberdintasun nabariak daude, iktusaren osasun arretaren desorekekin erlazionatuta egon daitezkeenak. Aurrerantzean, ildo honetatik jarraituz, berariazko neurriak zehaztu beharko dira jarduketa medikua hobetzeko helburuarekin.