Borroka kognitiboa: terapia kognitiboak dementziaren aurka

Abstract

[EUS] Dementzia prebalentzia handiko garuneko zenbait gaixotasunen ondorioz ematen den sindrome kroniko eta progresibo bat da. Zehazki, 2023.urtean, mundu mailan 55 milioi pertsona erregistratu ziren sindrome horrekin. Arazoa da, orokorrean, neurodegeneratiboa den heinean, denbora aurrera doan ahala, gaitz hau jasaten duten pertsonen funtzio kognitiboen narriadura progresiboa ematen dela. Baina, nahiz eta gaur egun ez den existitzen dementzia sendatzen duen tratamendurik, azken urteetan, sintomatologia murrizten duten tratamendu ez-farmakologikoak aztertu izan dira. Horien artean, terapia kognitiboak daude. Hiru terapia nagusi daude: estimulazioa, errehabilitazioa eta entrenamendua. Halere, inkongruentzia handia dago, pazienteen sintomatologia murrizteko, horien eraginkortasunari eta horiek aplikatzeko moduari buruz.