Gaurko gizarte interkulturalean erizain konpetenteak hezitzen: Literatura errebisioa.

Abstract

[EUS] Testuingurua: Gero eta identitate multikulturalagoa hartzen ari duen testuinguru batean bizi garenez, kulturalki kongruentea den arreta sanitarioa eskaintzeko beharra dago. Erizaintzako hezkuntzan gaitasun kulturala integratzearen arrazoia pazientean zentratutako arreta holistikoaren garapenean laguntzea da, pazienteen balio, lehentasun eta behar kulturalak identifikatu eta errespetatzen dituena. Aitzitik, ez dago akordio zehatzik kultura ahalmena garatzea ahalbidetuko duen hezkuntza programa egokia diseinatzeko, ezartzeko eta ebaluatzeko.

Helburua: Erizaintza graduko ikasleengan gaitasun kulturala sustatzen duten hezkuntza esku- hartze ezberdinen eraginkortasuna aztertzea.

Metodoak: Ikerketa zientifikoen analisiaren bitarteko literatura errebisioa PRISMA jarraibideak oinarri gisa erabilita. Emaitzak: Azterturiko 16 artikuluen ebidentzian oinarrituta, Erizaintza Transkulturalaren ikasgaiak (n=1) eta murgiltze programek (n=2) kulturarekiko ezagutza esanguratsuki suspertu zuten, simulazio-programak ez bezala (n=2). Kulturarekiko trebetasunaren garapenean murgiltze (n=2) zein simulazio-programek (n=3) eraginkortasuna erakutsi zuten, agerian utziz ikasgaia magistralaren (n=1) huts egitea dimentsio praktikoago honetan. Kulturarekiko autoeraginkortasuna (n=5) aztertu zuten artikuluetatik, estrategia pedagogiko ezberdinek alderdi kognitiboa, praktikoa eta afektiboa maila ezberdinetan suspertu zuten. Bestetik, kulturarekiko sentsibilitatea supertzen lagundu zuten ikerketatik (n=6) , ikasgai magistrala estrategia erabili zutenak emaitza estatistikoki esanguratsuenak lortu zituzten. Azkenik, simulazio-programa erabili zuen azterketa bakarrak erakutsi zituen emaitza esanguratsuak kulturarekiko enpatian. Ondorioak: Azterturiko estrategia pedagogikoak baliagarriak eta eraginkorrak izan dira gaitasun kulturalaren konstrukto ezberdinen garapenean. Izan ere, ikerketen arteko uniformetasun faltak eta aldagai eta sesgo nahasgarrien presentziak analisi konparatiboa zailtzen dute. Hori dela eta, ebidentzietan oinarritutako jarraibide estandarrak ezartzeko beharra identifikatzen da zorroztasun handiagoa duten ekimenak ikertzen eta garatzen jarraitzeko.