Valsalvako maniobraren eta sinu karotideoaren masajearen eraginkortasunaren alderaketa takikardia suprabentrikularraren itzulketan: errebisio literarioa

Abstract

[EUS] Marko kontzeptuala: takikardia suprabentrikularrak (TSB) bihotz-erritmoaren asaldurak dira. Ondorioz, bihotz-maiztasun azkarra dute, erregularra edo irregularra. Arritmia horiek eragin nabarmena izan dezakete pazienteen bizi-kalitatean, baita konplikazio kardiobaskular larriak izateko arriskua areagotzen dute, hala nola bihotz-gutxiegitasuna edo iktus bat jasateko arriskua. TSBen artapenean, maniobra bagalak bihotz-erritmo normala berrezartzeko estrategia eraginkorra eta ez inbaditzailea direla erakutsi da. Maniobra horien artean Valsalvako maniobra, aurpegia ur hotzean murgiltzea edo nerbio bagoa masaje karotidideoaren bidez estimulatzea daude. Maniobra horiek nerbio-sistema autonomoan eragiten dute, bihotz-maiztasuna murrizteko eta erritmo sinusala berrezartzeko. Helburua: takikardia suprabentrikularraren maneiuan, bihotz-maiztasuna bere onera itzultzeko balsalba maniobra eta sinu karotideoaren masajearen eraginkortasuna aztertzea pertsona helduetan. Metodología: errebisio literarioa. Ikerketa burutzeko bilakerta era sistematikoan Medline OVID, Cochrane, CINAHL, EMBASE eta LILACS datu-baseetan egin da. Horrez gain, eskuzko bilaketa ScienceDirect-en gauzatu da. Bilaketak egiteko hurrengo hitz gakoak erabili dira; “Tachycardia, Supraventricular”, “Valsalva maneuver”, “Carotid sinus” eta “Vagal maneuver”. Hitz gakoekin bilaketa ekuazioak eraiki ziren AND eta OR operadore booleanoekin. Emaitzak: ikerkuntzak Valsalvako Maniobra, Valsalvako Maniobra eraldatua eta Sinu Karotideoaren Masajearen arteko alderaketa egiten dute. Azken hamar urteeko ikerkuntzak Valsalvako Maniobra eraldatuaren aldezko emaitzak frogatzen dute beste bi maniobrekin konparatzean. Ikerkuntzak ere, maniobrak egiteagatik sortu ahal diren albo-ondorioetaz ikertzen dute. Ez ziren frogatu albo-ondorio garrantzitsuak maniobrak egin eta gero. Ondorioak: ikerkuntzen emaitzetan opinarrituz, Valsalvako Maniobra eraldatua da takikardia suprabentrikularren kudeaketa klinikoetan maniobra bagal eraginkorrena, bere kardiobertsio tasarengatik, albo-ondorio agerpen gutxiengatik eta maniobra oso merkea delako.