A propòs deth contacte basc-gascon: eth cas des presentatius.

Abstract

Aguest trabalh que se propòse d’aprigondir en estudi dera influéncia occitana, e mès concretaments gascona, sus era lengua basca parlada ena província de Sola o, coma la criden es basqui, Zuberoa. Entad aquerò, qu’analisaram ua caracteristica gramaticau deth basc soletin descrita peth prumèr còp : era sua construccion presentativa, un element sintaxic que mòstre quauques particularitats plan interessantes. Eth nòste estudi qu’ei fondat sus un trabalh filologic damb un còrpus de mès de quaranta tèxtes ancians. Deth punt de vista diacronic, er estudi des presentatius soletins qu’arrenfortís era ipotèsi deth cambiament ena deïxi deth basc ancian a partir d’ua distincion apròp vs. luenh cap a un sistèma damb tres grads d’aluenhament (Irigoyen 1981). Çò qu’ei mès, era construccion presentativa soletina que mòstre encara un aute element fòrça interessant : eth sufixe completiu –(a)la ena frasa principau, un usatge considerat coma agramaticau en rèste de varietats basques. Que proposaram qu’aquèra particularitat soletina sigue en realitat ua adaptacion deth que expletiu gascon.